rusiye amérikaning süriye teklipini yene ret qildi

rusiye süriyede ximiyelik qoral toghrisida tekshürüsh élip barghan b d t komitétining beshshar esed hakimiyitining 4-aprél idlibke qarashliq xan sheyxun bazirida ximiyelik qoral ishletkenlikini éniqlighan doklatigha qaytidin qarap chiqishni telep qildi.

839997
rusiye amérikaning süriye teklipini yene ret qildi

türkiye awazi radiyosi xewiri: b d t we ximiyelik qorallarni cheklesh teshkilati teripidin birlikte teshkillengen tekshürüsh komitétining wezipe ötesh mudditini uzartishni telep qilghan amérika teyyarlighan teklipni 24-öktebirde ret qilghan rusiye, b d t xewpsizlik kéngishige özi teyyarlighan teklipni sundi.

rusiyening teklipide, «b d t tekshürüsh komitétining wezipe ötesh mudditini alte ay uzartish», «tekshürüsh komitétining muhim métodlar boyiche keng kölemlik tekshürüsh élip bérishi üchün eng qisqa waqit ichide xan sheyxungha bir guruppa ewetish», «xan sheyxunda ishlitigenliki ilgiri sürülgen sarin gazining shayrat hawa armiye bazisida saqlanghanliqini ispatlash üchün shayratqa yene derhal bir tekshürüsh guruppisi ewetish», «tekshürüsh komitéti élan qilghan beshshar esed hakimiyitining 4-aprél xan sheyxunda ximiyelik qoral ishletkenliki toghrisidiki doklatqa, toplanghan ispatlar bilen qaytidin qarap chiqish» qatarliq telepler orun aldi.

amérika xewpsizlik kéngishige rusiyening teklipige qarshi yene bir teklip ewetti. bu teklipte, tekshürüsh komitétining wezipe ötesh mudditini ikki yil uzartish telep qilindi.

b d t tekshürüsh komitéti 26-öktebir xewpsizlik kéngishige sunghan doklatida, xan sheyxunda texminen 100 adem jénidin ayrilghan ximiyelik qoral hujumining, beshshar esed hakimiyiti teripidin qilinghanliqini we sarin gazi ishlitigenlikini bildürgen idi.      



مۇناسىۋەتلىك خەۋەرلەر