shimaliy iraq baghdadning bayanatidin söyüngenlikini bildürdi
iraq kord rayonluq hökümiti, iraq bash ministiri heyder ibadining «rayondiki dölet xizmetchilirining maashliri» ni béridighanliqliri toghrisidiki sözliridin xushalliq hés qilghanliqlirini bildürdi.
türkiye awazi radiyosi xewiri: iraq kord rayonluq hökümiti yazma bayanat élan qilip, «iraq kord rayonluq hökümiti ichki kabinéti, hörmetlik ibadining 1 milyon 249 ming dölet xizmetchisining maashining bérilishi toghrisidiki bayanatini qizghin qarshi alidu» dégenlerni qeyt qildi.
bayanatta, éléktironluq muhitta tizimliki bar bolghan dölet xizmetchilirining ayliq maashining 712 milyon dollar etrapida ikenliki bildürüldi.
iraq merkiziy hökümiti maashlirini bermekchi bolghan dölet ishchi – xizmetchilirining wezipe türlirige dair uchurlarghimu orun bérilgen iraq kord rayonluq hökümitining bayanatida, «266 ming peshmerge, 483 ming saqchi we hökümet xadimi, 159 ming méyip we ijtimaiy yardem alghuchi, 96 ming shéhitlerning uruq – tughqanliri we 244 ming pinsiyonér barliqi» eskertildi.
iraq bash ministiri heyder ibadi tünügün bayanat bérip, peshmerge we iraq kord rayonluq hökümitidiki pütkül dölet ishchi – xizmetchilirining maashini yéqinda béridighanliqlirini bildürgenidi.
