amérika barzani dewrining axirlashqanliqidin memnun iken
amérika qoshma ishtatliri, iraq kord rayonluq hökümiti bashliqi mesud barzanining yene bir qétimliq bashliqliq saylimigha qatnashmaydighanliqini élan qilghanliqidin memnun bolghanliqini bildürdi.
türkiye awazi radiyosi xewiri: amérika tashqi ishlar ministirliqi bayanatchisi héitér nauért yazma bayanat élan qilip, «amérika, mesud barzanining yene bir qétim iraq kord rayonluq hökümitining bashliqi bolushni telep qilmaydighanliqi toghrisidiki qararigha we iraq kord rayonluq hökümiti parlaméntining bashliqliq salahiyetlirini bashqa organlargha ötküzüp bérishige yuqiri bar bermekte» dégenlerni qeyt qildi.
héitér nauért bayanatida, «amérika qoshma ishtatliri, iraq kord rayonluq hökümiti bash ministiri nechirwan barzani we bash ministir yardemchisi kubat talabani bilen paal alaqe ornitishni taqetsizlik bilen kütmekte. küchlük bir iraq kord rayonluq hökümiti, pütün we fédératip bir iraqning uzun muddetlik muqimliqi we daéshning meghlup qilinishining kem bolsa bolmaydighan amilidur» dégen ibarilerge orun berdi.
u yene, iraq kord rayonluq hökümiti tewelikidiki pütkül siyasiy partiyelerni nöwettiki mesililerni hel qilishqa töhpe qoshushqa chaqirdi.
iraq bash ministiri heyder ibadining «daéshqa qarshi küresh» we «iraq kord rayonluq hökümiti bilen yéngidin diyalog ornitish» yolida muhim qedemlerni tashlighanliqini tekitligen bayanatchi héitér nauért, baghdad bilen erbilni hemkarliq ornitishqa chaqirdi we barliq toqunushlarning axirlishishini kütüwatqanliqlirini bildürdi.
