shi mawzédungdin kéyinki «eng küchlük» rehberge aylandi

xitay reisi shi jinping qurultay wekillirining «shi jinping idiyesi» ni nizamnamege kirgüzüshni qollishi bilen, mawzédungdin kéyinki «eng küchlük» rehberge aylandi.

833421
shi mawzédungdin kéyinki «eng küchlük» rehberge aylandi

türkiye awazi radiyosi xewiri: xitay kommunistik partiyesi dölet reisi shi jinpingning idiyesini qobul qilip, nizamnamege kirgüzüshni qol kötürüp qobul qildi. netijide, shi jinping mawzédunggha oxshash orungha chiqqan boldi. bundaq bolghanda, shi jinpinggha qaritilghan tenqidler, xitay kommunistik partiye hakimiyitini tenqidlesh bolup hésablinidu. qurultayning axirqi künide 2000 din artuq wekil béyjingdiki xelq chong sariyida shi jinpingning idiyesini nizamnamege kirgüzüshke qol kötürüp awaz berdi.

shi jinping 2012-yili kommunistik partiye merkiziy komitétining sékritari bolghan bolup, shundin béri dölet hakimiyitidiki ornini kücheytip kelgen idi. uning yéngi xitayche alahidilikke ige sotsiyalizm idiyesi 14 asasiy pirinsiptin teshkil tapidu. bular:

  1. partiye rehberlirining dölettiki barliq xizmetlerde birinchi rehber bolushi؛
  2. adem merkezchilik idiyesini namayan qilish؛
  3. keng dairelik islahatlarni dawamlashturush؛
  4. tereqqiyat üchün yéngi nishan belgilesh؛
  5. xelqning hakimiyet ishlirigha qatnishishigha képillik qilish؛
  6. hakimiyetning her bir organlirining qanun ramkisida heriket qilishigha képillik qilish؛
  7. sotsiyalistik asasiy pirinsiplarni qoghdash؛
  8. xelqning turmush sewiyesini yuqiri körtürüsh we uninggha kapaletlik qilish؛
  9. tebiiy muhit bilen adem otturisidiki tengpungluqqa kapaletlik qilish؛
  10. dölet bixeterliki üchün idiye birlikini kücheytish؛
  11. armiye ichide partiye rehberlikining mutleqliqini qoghdash؛
  12. «bir dölette ikki xil tüzüm bolush» pirinsipini qoghdash we milliy ittipaqliqni kücheytish؛
  13. insaniyet üchün ortaq kélechek berpa qilish pikri hökümran bolghan jemiyet berpa qilish؛
  14. partiye ramkisida janliq hakimiyet yürgüzüsh؛

besh yilda bir qétim ötküzülidighan partiye qurultiyi qobul qilghan pilan boyiche, xitay kommunistik partiyesi 2020- we 2035-yilliri arisida sotsiyalistik zamaniwiylashturushning tunji qedimini emelge ashuridu. kéyinki 15 yilliq mezgilde bolsa, tereqqiy tapqan, küchlük, démokratik, zamaniwi medeniyetke ige we chirayliq sözler bilen tebir bérilgen «ulugh zamaniwi sotsiyalistik dölet» ke aylandurulidu.



مۇناسىۋەتلىك خەۋەرلەر