страсбургда террорлуқ тәшкилати сәтчилики

фирансийәдә страсбург валий мәһкимиси йавропа кеңишиниң хизмәтчи хадимлири ишлитидиған аптомобил тохтитиш мәйданини бөлгүнчи террорлуқ тәшкилати  п к к тәрәпдарлириниң намайиши вә чедирларни қуруши үчүн бәрди.

825015
страсбургда террорлуқ тәшкилати сәтчилики

түркийә авази радийоси хәвири: страсбургтики йавропа кеңиши бинасиниң алдидики аптомобил тохтитиш мәйдани валий мәһкимисиниң қарариға асасән вақитлиқ тақалди һәмдә йавропа кеңиши парламент әзалири мәҗлисиниң 9 – 13 – өктәбир күнлири чақирилидиған омумий кеңәш йиғинида бөлгүнчи террорлуқ тәшкилати  п к к тәрәпдарлириниң ишлитишигә берилди.

йавропа кеңиши тәрипидин бу һәқтә елан қилинған йазма байанатта, мундақ дейилди: «страсбург бас – рһим валий мәһкимиси 9 – 13 – өктәбир күнлири йавропа кеңиши бинасиниң алдида намайиш өткүзүлидиғанлиқини билдүрди. намайишқа сирттин келип қатнишидиған намайишчиларниң ишлитиши үчүн кеңәш бинасиниң удулидики аптомобил тохтитиш мәйданиға чедирлар қурулиду. дөләт хәвпсизлик органлири намайишни йеқиндин көзитиватиду. шуңа хизмәтчи хадимларниң намайиш җәрйанида агаһландурушларға риайә қилишини сораймиз.»

террорлуқ тәшкилати тәрәпдарлири йавропа кеңишиниң хизмәтчи хадимлири ишлитиватқан аптомобил тохтитиш мәйданиға түнүгүн қурулған чедирларниң сиртида йәнә, террорлуқ тәшкилатиниң каттибеши абдуллаһ өҗаланниң қойуп берилиши мәқситидә йавропа шәһәрлирини айлиниватқан бир аптубусни тохтитип иғваргәрлик қилди.



مۇناسىۋەتلىك خەۋەرلەر