tramp: las wégas hujumi sheytanlarche heriket

amérika pirézidénti tramp las wégas qoralliq hujumining sheytanlarche heriket ikenlikini éytti.

819019
tramp: las wégas hujumi sheytanlarche heriket

türkiye awazi radiyosi xewiri: las wégas waliysi jo lombardoning éytishiche, amérika qoshma ishtatlirining las wégas shehiride yüz bergen qoralliq hujumda qaza qilghanlarning sani 59 gha, yarilanghanlarning sani 527 ge yetken. zorawan stéoin padokning hujum jeryanida qalghan méhmanxadiki yatiqida 16 dane aptomatik miltiq tépilghan.

 amérika fédéral tekshürüsh biyurosi (FBI) uning öyini axturup, minglarche oq - dora we ammoniy nitratni qolgha chüshürgen. FBI ning bir emeldari bolsa tekshürüsh netijiside hujumning héchqandaq xelqaraliq térrorist guruppa bilen alaqisi yoqluqining éniqlap chiqilghanliqini éytqan hemde zorawan stéoin padokning daésh bilen chétishliqi barliqini ret qilghan.

weqedin kéyin las wégasning klark nahiyeside jiddiy halet élan qilinghan.

amérika taratquliri ortaqlashqan 1969 – yiligha ait bir élanda eskertilishiche, zorawanning dadisi hoskin padok FBI teripidin «eng köp izdiliwatqanlar» tizimlikide bolup, banka bulash, mashina oghrilash we qoral saqlash qatarliq jinayetler sewebidin  FBI uni «binormal adem», «qoralliq we xewplik unsur» dep ataydiken.

zorawanning florida ishtatida yashawatqan qérindishi érik hudson padok amérika taratqulirigha bergen bayanatida, akisining bundaq hujumni élip barghanliqigha ishenmey qalghanliqini bildürüp: «bu heqte héchnéme déyelmeymen. bu xewerni anglighandin kéyin tolimu heyran qalduq. chünki akam adettiki bir insan bolup, anda – sanda méhmanxanilargha we qimar oynashqa kétetti. bezide anamgha manta ewetetti» dégen.

yene bir tereptin, amérika taratqulirining las wégas saqchilirini menbe körsitip xewer qilishiche, padok qanunluq uchquchi bolup, uning ikki dane kichik ayropilani bar iken, uning yéqinqi birqanche ayliq banka hésabatliridin qarighanda, u birqanche ming dollarni qimar ishlirigha serp qilghan.

bu ariliqta, amérika pirézidénti tramp aq sarayda hujum toghruluq toxtalghanda mundaq dédi: «las wégas hujumi sheytanlarche bir heriket bolup, bundaq tiragédiyelik bir künde pütkül amérika xelqi bir gewdileshti. shunga bundaq shum niyetlik heriketler birlikimizge hergizmu ziyan yetküzelmeydu.»

charshenbe küni las wégasqa bérip, hujumda yarilanghanlar we dölet xewpsizlik küchliri bilen körüshidighanliqini éytqan tramp, dölette bayraqni yérim chüshürüsh üchün yolyoruq bergenlikinimu sözlirige ilawe qildi.



مۇناسىۋەتلىك خەۋەرلەر