8-қетимлиқ сүрийә учришишлири бир ай ичидә башлиниду

б д т (бирләшкән дөләтләр тәшкилати) сүрийә алаһидә вәкили стефан демистура шивейтсарийә пайтәхти җәнвәдә өткүзүлидиған 8-қетимлиқ сүрийә учришишини бир ай ичидә башлашниң пилан қилинғанлиқини елан қилди.

815852
8-қетимлиқ сүрийә учришишлири бир ай ичидә башлиниду

түркийә авази радийоси хәвири: б д т сүрийә алаһидә вәкили демистура б д т хәвпсизлик кеңишигә әза дөләтләргә сүрийәниң нөвәттики вәзийити һәққидә мәлумат бәрди. у қазақистан пайтәхти астанада башланған учришишлар нәтиҗисидә, сүрийәдә төт «тоқунушмаслиқ райони» қурулғанлиқини, бирақ дөләт ичидә давамлишиватқан тоқунушлар сәвәбидин вәзийәтниң йәнила җиддий икәнликини билдүрди.

у тоқунушмаслиқ районлириниң сүрийәниң парчилинишиға сәвәб болмаслиқ, дөләтниң бир пүтүнлүки вә земин пүтүнлүкиниң қоғдилиши тоғрисидики пикир бирликиниң омумий җәһәттин үстүн орунда икәнликини әскәртти. у мундақ деди:

«җәнвәдә 8-қетимлиқ сүрийә учришишлирини бир ай ичидә, йәни өктәбир ейиниң ахири йаки нойабир ейинң бешида башлашни пилан қиливатимән.»

демистура бәшшар әсәд һакимийитигә вә өктичиләргә учришишларға «шәртсиз» қатнишишни чақириқ қилип, «бәшшар әсәд һакимийитиниң өктичиләр билән сәмимий музакирә қилиш мәсулийитиниң барлиқини, өктичиләрниң учришишларға ортақ мунбәрдә бир аваз болуп қатнишиш мәсулийитиниң барлиқини» тәкитлиди.

американиң б д т дики даимий вәкили сүрийәдә мәсилини узун муддәтлик һәл қилишниң бирдинбир йолиниң сийасий йол икәнликини вә буниң билән мумкин болидиғанлиқини, бирақ бу әһвалниң иранға, бәшшар әсәд һакимийитигә йаки даешқа пурсәт йаритип бәрмәслики керәкликини әскәртти.    



مۇناسىۋەتلىك خەۋەرلەر