iraq référandumni étirap qilmaydighanliqini élan qildi
iraq bash ministiri haydar elibadi shimaliy iraq rayonluq kürt (kord) hökümitining asasiy qanungha xilap halda ötküzgen référandum netijilirini étirap qilmaydighanliqlirini éytti.
türkiye awazi radiyosi xewiri: iraq bash ministiri haydar elibadi iraq xelqige xitab qildi. u: «iraq étnik we mezhepni asas qilghan bölünüshke duch keldi, iraqta irqiy ayrimichiliq xaraktérige ige bir döletning qurulushigha qarshi turimiz, siyasetni qopalliq bilen qara küchke mejburiy téngishqa bolmaydu, bu saddam hakimiyitige oxshash muweppeqiyetsizlikke uchraydu» dédi.
u référandumning dölet we rayon bixeterlikige tehdit peyda qilidighanliqini eskertip: «référandumni nezerge almaymiz, netijlirini étirap qilmaymiz, döletning birlikini we puqralarning bixeterlikini qoghdash üchün tégishlik qedemlerni tashlaymiz» dédi.
u héchqandaq döletning référandumdin kéyin, shimaliy iraq rayonluq kürt hökümitini qollimaydighanliqini eskertip mundaq dédi:
«armiyemiz erbil bilen baghdadtin térrorluqni yiraqlashturdi. térrorluq teshkilati daéshqa qarshi birleshken waqitta, déktatorluq we qarangghuluqqa qaytish chaqiriqliri yuqiri kötürülüwatidu, kürt puqralirimiz we ularning bixeterlikini qoghdashtin waz kechmeymiz, héchkimning döletke özining xususiy méligha oxshash muamile qilishigha ruxset qilalmaymiz.»
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
