süriyede öktichilerning kontrolluqidiki rayonlar hujumgha uchridi

tünügün (24-séntebir) kéche süriyede öktichilerning kontrolluqidiki «toqunushmasliq rayoni» hésablinidighan idlib shehiri, hama we lazqiyening yézilirigha qilinghan hawa hujumida, 18 puqra hayatidin ayrilghan, 30 puqra yarilanghan.

813724
süriyede öktichilerning kontrolluqidiki rayonlar hujumgha uchridi

türkiye awazi radiyosi xewiri: süriyede öktichilerning qolidiki idlib we hamadiki bezi rayonlar hawa hujumigha uchridi. yerlik menbelerdin élinghan melumatlarda körsitilishiche, idlibning jenubidiki nurghun rayonlar hawadin bombardiman qilinghan bolup, 60 qétimdin artuq bombardimanda 15 puqra hayatidin ayrilghan, 30 puqra yarilanghan. buning bilen, idlibte yéqinqi bir heptide hayatidin ayrilghan puqralarning sani 61 ge chiqqan.

yene bir tereptin, hamaning shimalidiki kefer zita, kefer ruma, kale madik we morek qatarliq rayonlirimu hawadin bombardiman qilinmaqta. bügün (25-séntebir) sehergiche qilinghan hawa hujumida, eng az dégende üch puqra hayatidin ayrilghan.

rayonlargha hawa hujumi qilghan ayropilanlarning teweliki heqqide hazirche héchqandaq melumat élan qilinmidi.



مۇناسىۋەتلىك خەۋەرلەر