katalanlar musteqilliq üchün yighilish ötküzdi

türkiye awazi radiyosi xewiri: ispaniye 1714-yili wérasét urushidin kéyin barsélonani ishghal qilghandin kéyin, katalanlar rayonning munqerz bolghan waqtini «diyada» nami astida «milliy kün» süpitide xatirilep kelmekte.

madridhökümiti chekligen musteqilliq référandumi ötküzülüshtin üch hepte burun küch körsitish meqsitide barsélonada uchrashqan katalanlar, tarixiy weqeni xatirilesh üchün tünügün (11-séntebir) shu yer waqti 17:14 de meydangha toplandi.

2012-yildin tartip musteqilliq telipige sehne bolup kelgen diyada küni üchün, kishiler bu yil (2017) 1800 aptobusta barsélonagha keldi.

döletning sherqiy shimaligha jaylashqan ishtatta yashaydighan 7.5 milyonluq katalan nopusi, döletning bashqa jaylirigha sélishturghanda özliri turuwatqan rayonni bay we köp baj tapshuridu dep qarap, madrid hökümitidin ayrilishni küntertipke élip kelgen idi.

katalonyaning yüz ölchimi bélgiyening chongluqigha toghra kélidighan bolup, özining tili we milliy medeniyetige ige. yerlik hökümet maarip we sehiye qatarliq muhim sahelerde merkiziy hökümetke oxshimaydighan siyasetlerni yürgüzidu.