xitay sériq renglik agahlandurush chiqardi

türkiye awazi radiyosi xewiri: döletlik météorologiye merkizining bildürüshiche, xitayning jenubidiki guangdong, fujien, jiyangshi, xunen, guyjo, yünnen we sichüen ölkiliri we guangshi juangzu aptonum rayonigha tesir körsitishi kütülüwatqan höl – yéghin apiti munasiwiti bilen sériq renglik agahlandurush chiqirilghan.

melumatlargha qarighanda, xitayning jenubida yüz bériwatqan höl - yéghin apetliri yer köchüsh we selge aylinip köp sanda kishining jénigha zamin bolushtek éghir aqiwetlerni keltürüp chiqarmaqta iken.

döletning sichüen we guyjo ölkiliride ikki kün ilgiri höl - yéghin yer köchüsh we tagh gömürülüsh apitini kültürüp chiqirip, 9 kishi qaza qilghanidi.

xitay döletlik météorologiye merkizi tünügünmu döletning jenubigha tesir körsitishi kütülüwatqan teyfing borini apiti üchün sériq renglik agahlandurush chiqirilghanliqini uqturghanidi.

igilinishiche, xitayda kök, sériq, qizghuch sériq we qizildin ibaret 4 renglik agahlandurush sistémisi bar iken.