mérkél partiyeler bilen ittipaqlashmaydighanliqini bildürdi

angéla mérkél omumiy saylamdin kéyin partiyeler bilen ittipaqlashmaydighanliqini bildürdi.

790117
mérkél partiyeler bilen ittipaqlashmaydighanliqini bildürdi

türkiye awazi radiyosi xewiri: gérmaniye bash ministiri angéla mérkél bu yil séntebirde ötküzülidighan omumiy saylamlardin kéyin gérmaniye üchün radikal milletchiler partiyesi we solchil partiye diy linké bilen ittipaqliq ornatmaydighanliqlirini bildürdi.

gérmaniyede 24-séntebirde ötküzülidighan omumiy saylamlardin burun saylam seperwerlik paaliyiti élip bériwatqan xiristiyan démokratiye birlik partiyesi reisi we bash ministir angéla mérkél, fonikis téléwiziye qanilining munber siyaset pirogrammisigha qatniship, küntertiptiki mesililer üstide toxtaldi.

angéla mérkél erkin démokratiye partiyesi bilen ittipaqliship ittipaqlashmasliq toghrisida soralghan bir soalgha jawab bérip mundaq dédi: «bu heqte téxi oylashmiduq, her partiye hemmidin awal özige ishleydu, belkim xiristiyan ijtimaiy birlik partiyesi bizning ittipaqdéshimiz bolup qélishi mumkin.»

mérkél saylamdin kéyin radikal milletchiler partiyesi bilen ittipaqliq ornatmaydighanliqini alahide eskertip ötti.  

gérmaniyede saylamdin ilgiri her qaysi partiyelerning xelqning qollishigha érishish ehwali toghruluq élip bérilip bérilghan ray sinashta xiristiyan démokratik birlik partiyesi %39awazgha, bu partiyening reqibi ijtimaiy démokratik partiyesining %24 awazgha érishkenliki bildürüldi.



مۇناسىۋەتلىك خەۋەرلەر