«birma hökümiti arakandiki musulmanlargha éghir zulumlarni séliwatidu»
yawropa rohingya kéngishi bashliqi hila kiyaw birma hökümitining arakanliq musulmanlargha qaratqan zulumini téximu kücheytish üchün herbiy qisim ewetkenlikini bildürdi.
türkiye awazi radiyosi xewiri: yawropa rohingya kéngishi bashliqi hila kiyaw arakangha ewetilgen 33-piyade qismining étnik topluqqa zulum qilishta eng wehshiy qisim ikenlikini éytti.
birma hökümitining arakanda herbiy nopuzini téximu kücheytish we rohingyadiki irqiy qirghinchiliq qilmishini bir qedem ilgirilitish üchün bu qismni orunlashturghanliqini éytqan hila kiyaw mundaq dédi: «rohingyada irqiy qirghinchiliq qilmishlirini téximu kücheytish emeliyette armiyening eng asasliq meqsetliridin biri, armiye arakandiki muqimsizliqni bahane qilip nopuzini kücheytishke uruniwatidu.»
mawdawda bu ayning béshida 7 déhqanning öltürülüshidin kéyin weziyetning keskinliship ketkenlikini éytqan hila kiyaw, bu jinayetlerni herbiy istxbarat xadimlirining sadir qilghanliqini ilgiri sürüp mundaq dédi: «herbiy istixbarat bashqarmisi muqimsizliqni bahane qilip mesile peyda qiliwatidu. döletning taratquliri bolsa héchqandaq pakitqa tayanmay yaki qaide-pirinsplargha muwapiq tekshürüsh élip barmayla rohingyaliq musulmanlarning bu jinayetlerni sadir qilghanliqini teshwiq qiliwatidu.»
birma armiyesige qarashliq qisimlar arakangha ewetilgendin kéyin rohingyaliqlarning téximu éghir zulum körüwatqanliqi toghruluq delil-pakitlarni yighip chiqqanliqlirini éytqan hila kiyaw, bu qilmishlarning jawabkarining yene birma tashq ishlar ministiri ang san su chining ikenlikinimu bildürdi.
u yene mundaq dédi: «tolimu epsuski, tashqi ishlar ministiri chi rohingyada irqiy qirghinchliq qilmishlirini téximu kücheytish mesiliside armiye bilen oxshash pikirge ige, gherb dunyasi bolsa rohingyadiki zulumgha süküt qiliwatidu. yawropa ittipaqi, birleshken döletler teshkilati we rayon döletliridin birma hökümitige rohingya xelqining yoq bolush kétishige xatime bérish üchün bésim ishlitishini telep qilimiz.»
