хитайниң икки парахоти җуҗйаң дәрйасида соқушуп кәтти

хитайда өткән һәптә җуҗйаң дәрйасиниң деңизға тутишидиған районида бир-биригә соқушуп кәткән икки йүк парахоти хоңкоң үчүн һазирғичә көрүлүп бақмиған әң чоң муһит булғинишини пәйда қилди.

хитайниң икки парахоти җуҗйаң дәрйасида соқушуп кәтти

түркийә авази радийоси хәвири: җуҗйаң дәрйасиниң деңизға тутишидиған районида соқушуп кәткән хитайниң икки йүк парахоти хоңкоңға муһит тәһдити пәйда қилди. бир һәптидин буйан давамлишиватқан муһит тазилаш хизмәтлиридә, деңиз саһиллиридин 93 тонна палма йеғи йиғилди. бирақ, деңизда йәнә тәхминән миң тонна палма йеғиниң барлиқи билдүрүлмәктә. деңиз сүйиниң булғиниши сәвәблик нурғун учар қушлар вә белиқлар өлүп кәтти.

мутәхәссисләр, деңизда оксигенни түгитиветидиған палма йеғиниң техиму көп белиқларниң өлүп кетишигә сәвәб болидиғанлиқи тоғрисида агаһландурди.

хоңкоң даирилири бейҗиң һөкүмитини вәқә йүз берип икки күн өткәндә кечикип хәвәр бәргәнлики сәвәбидин әйиблимәктә.



مۇناسىۋەتلىك خەۋەرلەر