бирләшкән дөләтләр тәшкилати йәмәнниң ачарчилиқ хәвпигә дуч кәлгәнликини билдүрди

түркийә авази радийоси хәвири: бирләшкән дөләтләр тәшкилати инсанпәрвәрлик ишлири маслаштуруш ишханисиниң доклатида әскәртилишичә, дунйа бойичә әң чоң инсаний киризислардин бири йүз бериватқан йәмәндә 5 йаштин төвән 2.3 милйон балиму йетәрлик дәриҗидә узуқлиништин мәһрум икән.

йәмәндә хәлқниң үчтин иккисиниң инсанпәрвәрлик йардәм вә қоғдинишқа муһтаҗ икәнлики қәйт қилинған доклатта көрситилишичә, дөләттә хәлқ туралғу, йемәк – ичмәк, су вә сәһийә хизмәтлиригиму җиддий еһтийаҗлиқ икән. амран вилайитигә қарашлиқ һамир наһийәси әтрапидики мусапирлар лагерлирида йашаватқан аилиләр дуч келиватқан қийинчилиқларғиму орун берилгән доклатта қәйт қилинишичә, уруш мәсум инсанларға еғир зийанларни елип кәлгән, җүмлидин 3 милйондин артуқ киши дөләттин қачқан, 2 милйон киши өй – макансиз қалған. дөләттики холера вабасиғиму орун берилгән доклатта билдүрүлүшичә, асаслиқ сәһийә мулазимитиниң йоқлуқи сәвәбидин давалаш мумкин болидиған кесәлләрму өлүп кәтмәктә икән.