ۋېنېزۇئېلا پىرېزىدېنتى ئامېرىكىغا قاتتىق نارازىلىق بىلدۈردى

تۈركىيە ئاۋازى رادىيوسى خەۋىرى: ۋېنېزۇئېلا پىرېزىدېنتى نىكولاس مادۇرو ئامېرىكىنىڭ ئېمبارگو قارارىغا قاتتىق نارازىلىق بىلدۈردى.

مادۇرو ۋېېزۇئېلادا ھەپتە ئاخىرى ئۆتكۈزۈلىدىغان ئاساسىي قانۇننى قايتىدىن تۈزۈپ چىقىش ئۈچۈن تەشكىللىنىدىغان تەشكىلىي مەجلىس ۋەكىللىرىنى بېكىتىش سايلىمىدىن كېيىن ، ۋاشىنگىتون ھاكىمىيىتىنىڭ ئۆزى توغرۇلۇق چىقارغان ئېمبارگو قارارى ئۈستىدە توختىلىپ مۇنداق دېدى: «ئۇلار مېنى تىز پۈكتۈرەلمەيدۇ، ئامېرىكا پىرېزىدېنتى ترامپنىڭ تەھدىت ۋە ئېمبارگولىرى مېنى قەتئىي بويۇن ئەگدۈرەلمەيدۇ.»

ۋېنېزۇئېلا پىرېزىدېنتى مادۇرو يەنە مۇنداق دېدى: «ترامپنىڭ بۇيرۇقىنى ئاڭلىمايمەن، بۇنىڭدىن كېيىنمۇ شۇنداق.»