ақсарайниң тор бетидә гүләнниң түркийәгә қайтурулушиға алақидар имза қойуш сәһиписи ечилди

америкида йашайдиған түркләр, фәтһуллаһчи террорлуқ тәшкилати каттибешиниң қайтуруп берилишини тәләп қилип, ақсарайниң рәсмий интернет сәһиписидә имза топлаш сәпәрвәрлик паалийити башлиди.

771603
ақсарайниң тор бетидә гүләнниң түркийәгә қайтурулушиға алақидар имза қойуш сәһиписи ечилди

түркийә авази радийоси хәвири: америкида йашайдиған түркләр, 15 – ийул һәрбий – сийасий өзгириш қозғашқа урунуш һәрикитиниң биринчи йилида фәтһуллаһчи террорлуқ тәшкилати каттибешиниң қайтуруп берилишини тәләп қилип, ақсарайниң рәсмий интернет сәһиписидә имза топлаш сәпәрвәрлик паалийити башлиди.

ақ сарайниң тор бетидики «илтимас» бөлүмидә ечилған имза қойуш паалийити мәктупида, 15 – ийулдики һәрбий – сийасий өзгириш қозғашқа урунуш һәрикити кечиси йүз бәргән вәқәләр байан қилинди вә исйанни фәтһуллаһчи террорлуқ тәшкилатиниң садир қилғанлиқи тәкитләнди.

һәрбий – сийасий өзгириш қозғашқа урунғучиларниң 249 кишини шеһит қилғанлиқи вә 2195 кишини йариландурғанлиқи хатирилитип өтүлгән мәктупта, «түрк миллитиниң барлиқ қатламлири демократийәни қоғдиди вә һәрбий – сийасий өзгириш қозғашқа урунуш һәрикитини чекиндүрди. түркийәдә һәрбий исйанниң бастурулуши тарихий бир дәвр иди» дегән ибариләргә орун берилди.

әнә шу вақиттин буйан америкида йашаватқан түркләрниң фәтһуллаһчи террорлуқ тәшкилатиниң каттибешиниң қайтуруп берилиши үчүн күч сәрп қилғанлиқи тәкитләнгән мәктупта, «(һәрбий – сийасий өзгириш қозғашқа урунуш һәрикитидә) һайатидин айрилғанлар вә йариланғанларниң азабиниң йәңгиллиши үчүн, америка даирилириниң фәтһуллаһчи террорлуқ тәшкилати каттибешини түркийәгә әң тез сүрәттә қайтуруп беридиғанлиқиға ишинимиз» дейилди.

имза долқуниға ақсарайниң интернет сәһиписидики «илтимас (petitions) бөлүмидики petitions.whitehouse.gov адреси арқилиқ қатнашқили болиду.



مۇناسىۋەتلىك خەۋەرلەر