دونالد ترامپنىڭ تۋىتتېردا 33 مىليون 700 مىڭ ئەگەشكۈچىسى بار
دونالد ترامپنىڭ تۋىتتېردىكى «@realDonaldTrump» ناملىق ھېسابىغا ئۇچۇر يوللاپ ھەر خىل پىكىرلەرنى بەرگىلى بولىدۇ.
تۈركىيە ئاۋازى رادىيوسى خەۋىرى: ئامېرىكا پىرېزىدېنتى دونالد ترامپ ئىجتىمائىي تاراتقۇ ھېسابى تۋىتتېردا بەزى كىشىلەرنىڭ ئۆزىگە ئەگىشىشىنى توسۇپ قويغانلىقى ئۈچۈن سوتقا ئەرز سۇنۇلدى.
دونالد ترامپنىڭ 7 ئەگەشكۈچىسىدىن باشقا يەنە، كولۇمبىيە ئۇنىۋېرسىتېتىدا پىكىر ئەركىنلىكىنى قوغداش كۈرىشى قىلىدىغان «چەۋەندازلار ئاساسىي قانۇن ئىنسىتىتۇتى»مۇ ترامپقا قارشى سوتقا ئەرز سۇندى.
ئەرزنامىدە، ترامپنىڭ تۋىتتېردا يوللىغان ئۇچۇرلىرىغا ئىنكاس قايتۇرغان ياكى تەنقىد قىلغان 7 ئەگەشكۈچىسىنىڭ پىرېزىدېنتنىڭ ئۆزى ياكى مۇئاۋىنلىرى تەرىپىدىن توسۇپ قويۇلۇشىنىڭ، ئامېرىكا دۆلەت ئاساسىي قانۇنىدىكى پىكىر ئەركىنلىكىگە ئالاقدار ماددىلارنى ئاياق-ئاستى قىلغانلىق بولىدىغانلىقى تەكىتلەندى.
ئەرزنامىدە، ئاقساراي باياناتچسى بىلەن ئىجتىمائىي تاراتقۇ ھېسابىنىڭ باشقۇرغۇچىسى دانىيەل سىكاۋىنونىڭ ئىسىملىرى ئەگەشكۈچىلەرنى توسۇپ قويۇشقا ياردەم قىلغۇچىلار قاتارىدا ئەيىبلەندى.
دونالد ترامپنىڭ تۋىتتېردىكى «@realDonaldTrump» ناملىق ھېسابىدا، 33 مىليون 700 مىڭ ئەگەشكۈچىسى بارلىقى مەلۇم.
مۇناسىۋەتلىك خەۋەرلەر
ئىسرائىلىيە لىۋانغا ھاۋا ھۇجۇمى قوزغىدى
ئىسرائىلىيە ئارمىيەسى لىۋاننىڭ جەنۇبىغا كەڭ كۆلەملىك ھاۋا ھۇجۇمى قوزغىدى.