tramp xitay we yaponiye rehberliri bilenmu körüshti
amérika pirézidénti donald trampning xitay reisi we yaponiye bash weziri bilenmu téléfonda körüshüp, shimaliy koréyening tehditlirini tilgha alghanliqi bildürüldi.
türkiye awazi radiyosi xewiri: aqsaray pirézidént donald trampning xitay reisi shi jinping we yaponiye bash weziri shinzu abi bilen téléfonda körüshkenliki toghrisida yazma bayanat élan qildi. bayanatta, pirézidént trampning xitay reisi shi jinping we yaponiye bash weziri shinzu abi bilenmu téléfonda ayrim körüshüp, «shimaliy koréye peyda qiliwatqan tehditler» ni muzakire qilghanliqi bildürüldi.
bayanatta, pirézidént trampning «shimaliy koréye peyda qiliwatqan yadro teditliri we balistik bashqurulidighan bomba tehditliri» din otturigha chiqqan endishelirini shigha yetküzgenliki we koréye yérim arilining yadro qoralliridin tazilinishining ehmiyitini tekitligenliki qeyt qilindi.
amérikining barliq soda shérikliri bilen téximu tengpung bolghan munasiwet ornitish qetiy iradisi tekitlengen bayanatta, ikki rehberning gérmaniyening hamburg shehiride ötküzülidighan G20 yighinida körüshidighanliqi qeyt qilindi.
pirézidént donald tramp yaponiye bash weziri shinzu abi bilen körüshkende, shimaliy koréye peyda qilghan tehditlerni alahide tilgha élip, amérika bilen yaponiye otturisidiki ittipaqliqning barliq tehditlerge qarshi teyyar ikenlikini bildürgenliki eskertildi.
