мәшһур путбол чолпини месси тойлуқ совғитини ианә қиливәтти

түркийә авази радийоси хәвири: барселона путбол командиси вә аргентина дөләтлик путбол командисиниң путбол маһири лийонел месси антонелла рокуззо билән росарийо шәһиридә той қилди.

аргентинаниң пайтәхти буенус айресқа 300 километир келидиған росарийо шәһиридики бир меһансарайда өткүзүлгән той мурасимиға қатнашқан 150дәк медийа хадиминиң никаһ вә той әснасида көрүнүш елишиға рухсәт қилинмиди.

250дәк алаһидә меһман қатнашқан той мурасимиға уругвайлиқ музика әтрити марама  билән путболчи агурониң қиз дости, барселоналиқ путболчи рикниң айали коломбийәлик нахшичи шакираму қатнашти, буниңдин башқа той мурасимида аргентиналиқ сәнәтчи каринаму нахша оқиди.

месси билән антонелла меһманлардин той совғитини өзлиригә бәрмәй өй-макансизларға хизмәт қилидиған « Techo »исимлик бир иҗтимаий тәшкилатқа ианә қилишни тәләп қилди.  

той бағачисиға йезилған «хошаллиқимизни һәмкарлиқ паалийитигә айландуруш үчүн»дегән ибариләрниң астида Techo вәқписигә йардәм қилиш тәләп қилинған хәтму көзгә челиқиду.