musapirlar kélishimige munasiwetlik mesilige girétsiye seweb bolghan

türkiye awazi radiyosi xewiri: bélgiye paytexti biryussél yawropa ittipaqi döletlirining dölet we hökümet bashliqliri yighinigha sahibxanliq qilmaqta. yighinda gollandiye bash ministiri söz qilip, türkiyening musapirlar kélshimge emel qilip, wediside turghanliqini tekitlidi. u musapirlargha munasiwetlik chiqqan mesililerge, girétsiyening seweb bolghanliqini bildürdi.

yighinda, yawropa ittipaqining ortaq mudapie siyasetliri we térrorizmgha qarshi küresh mesililirimu muzakire qilindi. rehberler térrorluqqa qarshi küresh daireside, ijtimaiy taratqu shirketlirini intérnétte térrorluq matériyallirining tarqilishining aldini élish üchün tégishlik ishlarni qilishqa chaqirdi. yawropa ittipaqi kéngishining reisi donald tusk bu dairide chet ellik jengchiler toghrisidiki tirishchanliqlarni kücheytish qarari alghanliqlirini bildürüp: «xelqimizni qoghdashta qetiy iradige igimiz» dédi.

u sözide, bash wezir tirésa méyning engliyening yawropa ittipaqidin chiqip kétish teklipi sunidighanliqidin bésharet berdi.

yawropa komitéti bashliqi jangkér yighinda mudapie mesilisige diqqetni merkezleshtürgenliklirini bildürüp: «yawropa ittipaqida mudapie mesilisi uyqudiki melikige oxshaytti, emdi melike oyghinishqa bashlidi» dédi.

yawropa ittipaqigha eza 28 dölet rehberlirining mudapie sahesige munasiwetlik sunulghan tekliplerni qobul qilghanliqlirini, bu döletlerning amérika mudapiege ajratqan jemiy pulning yérimchilik mudapiege serp qilghanliqini, biraq döletler otturisidiki oxshimasliqlar sewebidin köp ünüm alalmighanliqlirini qeyt qildi.

bügün yighinda iqtisadiy mesililer muzakire qilinidu.