باماكودىكى بىر ئالىي مېھمانخانا ھۇجۇمغا ئۇچرىدى

تۈركىيە ئاۋازى رادىيوسى خەۋىرى: تېررورچىلار، غەربىي ئافرىقا دۆلىتى مالىنىڭ پايتەختى باماكوغا يېقىن جايدىكى بىر مېھمانخانىغا ھۇجۇم قىلدى؛ ھۇجۇمدا 2 ئادەم ھاياتىدىن ئايرىلدى.

ھۇجۇم باماكونىڭ سىرتىدىكى بىر ئالىي مېھمانخانىدا تۈنۈگۈن كەچتە مەيدانغا كەلدى. ئادەتتە ساياھەتچىلەر چۈشىدىغان مېھمانخانىدىكى ھۇجۇمدا، تېررورچىلار 20 كىشىنى گۆرۈگە ئېلىۋالدى.

مالى خەۋپسىزلىك ئىشلىرى مىنىستىرى، ۋەقەدە ئىككى ئادەمنىڭ ھاياتىدىن ئايرىلغانلىقىنى جەزملەشتۈردى. مىنىستىرلىق ئەمەلدارلىرى، گۆرۈگە ئېلىۋېلىنغان كىشىلەرنىڭ ئارىدىن بىر قانچە سائەت ئۆتكەندىن كېيىن قويۇپ بېرىلگەنلىكىنى ئۇقتۇردى.