beshshar esed qisimliri deragha waril bombisi bilen hujum qildi
süriyede beshshar esed hakimiyitining dera wilayitidiki öktichilerning kontrolluqi astida turuwatqan rayonlargha qilghan waril bomba hujumida bir puqra hayatidin ayrildi, 11 puqra yarilandi.
türkiye awazi radiyosi xewiri: beshshar esed armiyesining tik ucharliri derada öktichilerning kontrolluqidiki muhayem dera mehellisini waril bombisi bilen bombardiman qildi. bombardimanda nurghun bina weyran boldi yaki chong buzghunchiliqqa uchridi. bombardiman sewebidin yüzlerche kishi öyliridin ayrilishqa mejbur boldi.
deradiki öktichilerning kontrolluqidiki rayonlar her küni beshshar esed hakimiyitining hawa we quruqluqtin qilghan hujumlirigha duch kelmekte.
beshshar esed hakimiyiti may éyining axirida yéqinqi töt ay ichide öktichilerge tartquzup qoyghan rayonlarni qayturuwélish üchün deragha herbiy qisimlirini toplashqa bashlighan bolup, rusiyede yasalghan herbiy aptomobillar, herbiy esliheler we chet el qoralliq küchlirini öz ichige alghan alte aptomobil etriti, demeshiq-dera yoli bilen deragha kirgen idi.
beshshar esed hakimiyiti 3-iyundin tartip sheherning öktichilerning kontrolluqidiki rayonlargha keng kölemlik hujum qilishni bashlighan idi.
dera 4-5-may künliri qazaqistan paytexti astanada échilghan yighinda, rusiye, türkiye we iran imzalighan kélishim bilen tesis qilish teklip qilinghan «toqunushmaydighan rayonlar» ichige kirgüzülgen.
