siri lankida meydangha kelgen kelkün apitide qaza qilghanlarning sani 212ge yetti
siri lankida meydangha kelgen kelkün apitide qaza qilghanlarning sanining 212ge yetkenliki bildürüldi.
türkiye awazi radiyosi xewiri: siri lankida meydangha kelgen kelkün we tagh ghulap chüshüsh apetliride qaza qilghanlarning sani 212ge yetti.
birleshken döletler teshkilati balilargha yardem fondi siri lanka wekili tim sutton birleshken döletler teshkilati jenwe ishxanisida muxbirlarni kütüwélish yighini ötküzüp, siri lankida musun yamghurliri seweb bolghan kelkün apitining yéqinqi yillarda meydangha kelgen eng éghir tebiiy apetlerdin biri ikenlikini éytti.
sutton ötken ayning axirida siri lankining gherbiy we jenubida meydangha kelgen shiddetlik höl yighinlar seweb bolghan kelkün apitide 212 kishining qaza qilghanliqini, 79 kishining iz-dériki bolmighanliqini bildürdi.
öy-makanliridin ayrilip qalghan 22ming kishining nahayiti nachar sharaitlarda yashawatqanliqini éytqan sutton, birleshken döletler teshkilati balilargha yardem fondining siri lankidiki balilargha yardem qilidighanliqlirini alahide eskertip ötti.
aral döliti bolghan siri lankining ottura qismida bultur mayda meydangha kelgen tagh ghulap chüshüsh apitide 100din artuq kishi qaza qilghanidi.
siri lankida 2003-yili meydangha kelgen kelkün apitide bolsa 250 kishi qaza qilip, 10 minglarche öy weyran bolghanidi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
