7-қетимлиқ сүрийә сөһбити келәр ай башлиниду

б д т (бирләшкән дөләтләр тәшкилати) сүрийә алаһидә вәкили демистура шивейтсарийәниң җәнвә шәһиридә өткүзүлүватқан сүрийә сөһбәтлириниң 7-қетимлиқиниң келәр айда өткүзүшниң пилан қилинғанлиқини билдүрди.

737277
7-қетимлиқ сүрийә сөһбити келәр ай башлиниду

түркийә авази радийоси хәвири: б д т алаһидә вәкили демистура хәвпсизлик кеңишиниң сүрийә темилиқ йиғинға видео арқилиқ қатнишип, кеңәшкә әза дөләтләргә җәнвәдики 6-қетимлиқ тинчлиқ учришиши тоғрисида мәлумат бәрди.

демистура апрел ейиниң бешида қазақистан пайтәхти астанада сүрийәдә тоқунушмаслиқ районлири тәсис қилиш тоғрисида келишим түзүлгән болушиға қаримай, һама, һумус вә дәмәшиқтин бәшшар әсәд қисимлири билән қораллиқ өктичиләр оттурисида тоқунуш йүз бериватқанлиқи һәққидики хәвәрләрниң келиватқанлиқини әскәртти. у бәшшар әсәд қисимлириниң һумус вә сүвәйдада террорлуқ тәшкилати даеш билән уруш қилған өктичи гуруппиларға қарши һуҗум қилғанлиқини қәйт қилди.

у йәнә, тәрәпләр арисида чоң пикир охшимаслиқлири мәвҗут болсиму, җәнвә учришиши үчүн үстәлгә келишкә тәййар икәнликини билдүрди. ахирқи учришишта йеңи асасий қанунниң улини турғузуш үчүн мутәхәссисләрдин тәшкил тапқан йиғин мусаписиниң башланғанлиқини әскәртип, б д т ниң йеңи асасий қанунға тәййарлиқ қилмиғанлиқини, әмма сүрийәликләрниң өз асасий қанунини түзүшкә имканийәт йаритилғанлиқини қәйт қилди.



مۇناسىۋەتلىك خەۋەرلەر