xitaydiki muhit bulghinishi eng xeterlik sewiyege yetti
alaqidar mesullar xitayning ottura we sherqiy rayonliridiki muhit bulghinishi sewebidin mejbur bolmighan ehwalda xelqning sirtqa chiqmasliqi lazimliqi heqqide alahide agahlandurush élan qildi.
türkiye awazi radiyosi xewiri: xitayning ottura we sherqiy rayonliridiki muhit bulghinishi xeterlik sewiyelerge yetti.
xitay döletlik météorologiye idarisi paytext béyjingnimu öz ichige alghan 8 ölkige qarashliq nurghunlighan sheherlerde, hawadiki ziyanliq zerrichilermiqdarining «PM 2,5» derijisige chiqqanliqini, bu ölchemning dunya sehiye teshkilati teripidin qobul qilinghan normal ölchemdin 35 hesse éship ketkenlikini, hetta uningdinmu yuqiri örlep, 800 ge yetkenlikini we «PM 2,5» ölchiminingmu 150 derijidin üstün «xeterlik» dep qobul qilnidighanliqini bildürüldi.
xitayning ottura we sherqiy rayonlirida tünügün kéchidin bashlap tesir körsitishke bashlighan qum borini sewebidin muhit bulghinish derijisi téximu xeterlik sewiyege chiqti. hetta, 21 milyon nopusqa ige béyjing shehiride körüsh musapisi 100 métirgha chüshüp qaldi.
alaqidar mesullar qum borinining ete (5-may) etigengiche dawamlishidighanliqi, éghir derijide muhit bulghinishi sewebidin mejbur bolmighan ehwalda xelqning sirtqa chiqmasliqi lazimliqi heqqide alahide agahlandurush élan qildi.
agahlandurushta, sirtqa chiqqanda maska taqash kérekliki, jismaniy küch telep qilidighan her xil paaliyetlerdin uzaq turush lazimliqi tekitlendi.
