mérkél gérmaniyening qosh puqraliq tüzümi toghrisida toxtaldi

türkiye awazi radiyosi xewiri: gérmaniye bash ministiri angéla mérkél, omumiy saylam teshwiqati jeryanida xelq muhim, dep qaraydighan barliq mesililerning otturigha qoyulidighanliqini éytti. u, puqraliq mesilisiningmu bu dairige kiridighanliqini, biraq buning eng muhim mesile emeslikini qeyt qilghan halda, «qosh pasportqa ige bir türk, peqet gérmaniye puqrasila bolghan bir türkke oxshashla gérmaniyege sadiq bolalaydu. bu yerdiki muhim nuqta, qaysi usul bilen kishilerni turmush aditimizge, asasiy qanunimizgha we qimmet – qarashlirimizgha imkaniyetning yétishiche téz qayil qilalishimizgha baghliqtur» dédi.

türkiyede 16 – aprélda ötküzülgen jumhur reislik hökümet sistémisini mezmun qilghan asasiy qanungha özgertish kirgüzüsh omumiy xelq bélet tashlash paaliyitidin kéyin, gérmaniyede qosh puqraliq mesilisi bes – munazire qozghighan, bezi siyasetchiler bu tüzümge xatime bérilishini telep qilghanidi.