misirdiki herbiy – siyasiy özgirishke qarshi namayishqa qatnashqan kishiler qamaq jazasigha höküm qilindi

misirda 2013 – yilqi herbiy – siyasiy özgirishke qarshi namayishlargha qatnashqan 128 kishi 3 yildin 10 yilghiche qamaq jazasigha höküm qilindi.

719533
misirdiki herbiy – siyasiy özgirishke qarshi namayishqa qatnashqan kishiler qamaq jazasigha höküm qilindi

türkiye awazi radiyosi xewiri: aqlighuchilar heyitining ezasi ehmed xelili iskenderiye jinayi ishlar sot mehkimisining 126 kishini 10 yilliqtin, 2 kishini 3 yilliqtin qamaq jazasigha höküm qilghanliqini, délil yétersiz dep qarap  sotqa qatnashmighan 7 kishi bilen qoshulup, 35 jawabkarni qoyup bergenlikini qeyt qildi.

melumatlargha qarighanda, jawabkarlarning sotning qararigha étiraz bildürüsh hoquqi bar bolup, sotqa qatnashmighan jawabkarlar bolsa teslim bolghandin kéyin tekrar sotlinidiken.

misirda démokratik saylamlar arqiliq wezipige olturghan pirézidént muhemmed mursi 2013 – yili 3 – iyul künidiki herbiy – siyasiy özgirishte aghduruwétilgendin kéyin, köpinchisini musulman qérindashlar teshkilati mensupliri teshkil qilidighan herbiy – siyasiy özgirishke qarshi yüzlerche kishi türlük bahane – sewebler bilen qolgha élinip, sotlinishqa bashlighanidi.



مۇناسىۋەتلىك خەۋەرلەر