rusiye 3 milyon dollardin artuq tölem töleydu

yawropa kishilik hoquq mehkmisi rusiyening 2004 – yili béslan shehiride köpinchisi nariside bala bolup, 331 kshi ölgen mektepni qorshash we dölet xewpsizlik küchlirining mektepke bésip kirishi jeryanida jiddiy xataliq sadir qilghanliqigha höküm qildi.

712185
rusiye 3 milyon dollardin artuq tölem töleydu

ürkiye awazi radiyosi xewiri: rusiye  shu qétimqi weqede qaza qilghanlar we saq qalghanlarning aile tawabiatlirigha 3 milyon dollardin artuq tölem töleydu.

BBC ning xewer qilishiche, yawropa kishilik hoquq mehkimisi rusiyening «térrorluq hujumi» yüz bériidighanliqi toghruluq axbarat tapshuruwalghan bolushigha qarimay, «térroristlarning yighilishlirining aldini élish üchün tedbir qollanmighan» we «mekteptiki bixeterlik tedbirlirini kücheytimigen» likige höküm qilghan.

mektepler échilghan küni chéchénler köpinchisi balilar bolup, mingdin artuq kishini waskétbol jazisigha partlatquchlarni orunlashturup qoyghan tenterbiye zalida görüge éliwalghanidi.

mektepni qorshiwalghanlar rusiyening chéchéniyedin esker chékindürüshini telep qiliwatatti.

üchinchi künige qedem qoyghanda, qorshaw rusiye dölet xewpsizlik küchlirining binagha bésip kirishi we ikki qétimliq qattiq partlashtin kéyin axirlashqanidi.

mektepni qorshiwalghanlardin peqet birla kishi tirik qolgha chüshkenidi, görüge éliwélinghanlardin saq qalghan kishiler dölet xewpsizlik küchlirining mektepke bésip kirish jeryanida adettin tashqiri küch ishletkenlikini ilgiri sürgenidi.

buningdin birqanche yil ilgiri yüz bergen we rusiye dawamliq tekshürgen, hayatidin ayrilghan 331 kishidin 186 sini balilar teshkil qilidighan weqe toghruluq rusiyelik héchbir emeldar jawabkarliqqa tartilmighanidi.

shu qétimqi weqede qaza qilghanlarning aile tawabiatliri bilen saq qalghanlar shu qétimqi qorshawni téximu az kishining ölümi bilen axirlashturushning mumkin yaki emesliki üstide dawamliq izdenmekte hemde jawabkarlarning tépilishini telep qilmaqta.

400 din artuq kishi bu soallarning jawabini tépish meqsitide firansiyening strasburg shehiridiki yawropa kishilik hoquq mehkimisige iltimas sunghanidi.

qarargha alaqidar rusiyening inkasi bolsa krémil sariyi bayanatchisi dmitri péskowdin keldi.

péskow yawropa kishilik hoquq mehkimisning hökmige qarshi qanuniy jehettin heriketke ötilidighanliqini tekitlep mundaq dédi: «bu hökümni qobul qilishimiz mumkin emes.»

rusiye edliye ministirliqi dairilirimu mezkur hökümni bikar qildurush üchün munasiwetlik orunlargha erz sunidighanliqlirini bildürdi.



مۇناسىۋەتلىك خەۋەرلەر