tramp jumhuriyetchi palata ezalirini qattiq agahlandurdi
tramp: «eger yéngi sehiye qanunini chiqiralmisanglar, bu xelq topini topliyalmaydighan bolup qalimiz we 2018 – yilida nughununglar ornuduqlirini qoldin ketküzüp qoyidu» dédi.
türkiye awazi radiyosi xewiri: pirézidént donald tramp amérikining hazirqi eng muhim küntertip maddilirining birsi bolghan sehiye qanunlirigha eger özgertish kirgüzülmigen teqdirde, nurghunlighan jumhuriyetchi palata ezalirining 2018 – yilidiki saylamda orunduqini qoldin ketküzüp qoyidighanliqini éytti.
donald tramp amérika awam palatasi ziyariti jeryanida jumhuriyetchi palata ezaliri bilen yéngi sehiye qanuni heqqide muzakirileshti. yéngi qanunning awam palata we yuqiri palataning testiqidin choqum ötüshi kéreklikini chüshendürüp, sabiq pirézidént obama mezgilide chiqirilghan we xelq arsida «obamachare» depmu tonulghan sehiye islahati qanunining tolimu nachar, choqum özgertilishi kéreklik bir qanun ikenlikini yene bir qitim tekitlidi.
awam palata üchün 2018 – yili ötküzülidighan saylamni eskertken donald tramp: «eger yéngi sehiye qanunini chiqiralmisanglar, bu xelq topini topliyalmaydighan bolup qalimiz. buni ishqa ashurmisanglar 2018 – yilida nughununglar ornuduqlirini qoldin ketküzüp qoyidu dep qaraymen» dédi.
awam palata bashliqi paul riyan bolsa, muzakiridin kéyin élan qilghan bayanatida, muzakirining intayin ünümlük bolghanliqini we tramp bilen jumhuriyetchi palata ezalirining sehiye qanuni heqqidiki köz qarashlirining baghanche bir - birige yéqinlishiwatqanliqini éytti.
amérika dölet mejlisi xamchot ishxanisi jumhuriyetchilerning «obamachare»ning ornigha qoymaqchi bolghan salametlik sughurtisi sistémisining 2026 – yilighiche 24 milyon amérika puqrasining sughurtisini yoqutup qoyiushigha seweb bolush éhtimali barliqini élan qilghan idi.
