mkdonalds shirkiti trampqa haqaret qilghan uchurni öchürüwetti

türkiye awazi radiyosi xewiri: mkdonalds donald trampqa haqaret qilghan bir twit uchuri tarqalghandin kéyin, twittér shifresining «oghrilanghanliqi» ni bildürüp, bu uchurning twit shifresini oghriliwalghan kishi yaki kishiler teripidin tarqitilghanliqini élan qildi.

mkdonalds shirkiti uchur öchürülgendin kéyin: «uchurni öchürüwettuq, twittér adrésimizni bixeterlikke ige qilduq. emdi bu ishni tekshürüwatimiz» dégen uchurni tarqatti.

shirket teripidin öchürüwétilgen twittér uchurida, «siz kishining könglini ileshtüridighan pirézidént, obamaning qaytip kélishini telep qilimiz» déyilgen. uchurda yene, pirézidéntning «kichik barmaqliri» barliqi ilgiri sürülgen idi.

pirézidént donald trampning qoligha munasiwetlik reqiplirining qilghan gep-sözliri burunmu küntertipke kelgen idi.

pirézidéntliq saylimida riqabettin chékingen jumhuriyetchi namzat mark rubiyo partiyesining yene bir namzati donald trampning qoli üstide gep qilip, «kichik barmaqliri bar ademning néme dégenlikini bilisler, uninggha ishinelmeysiler» dégen we axirida epu sorighan idi.