isirailiyede ezanni cheklesh teklipi parlaméntta awazgha qoyuldi

türkiye awazi radiyosi xewiri: isirailiye we pelestin taratqulirida isirailiye parlaméntidiki ezanni cheklesh qanun layihesige bélet tashlashni mezmun qilghan sin körünüshi qayta-qayta tarqitildi. parlamént omumiy kéngishidiki bélet tashlashta, isirailiye parlaménti omumiy kéngishide ezanning cheklesh heqqidiki qanun teklipi toghrisida bélet tashlash axirlashqandin kéyin, söz qilghan ereb parlamént ezasi eymen awde qanun teklipige naraziliq bildürüp, qolidiki qanun layihesini yirtti. awde kéyinche parlamént omumiy kéngishidin chiqiriwétildi.

awdedin kéyin, yene bir ereb parlamént ezasi ehmet ettiybi munberge chiqip, süre beqerening 114-ayitini oqudi we parlaménttiki dindar yehudiylarni qanun teklipini ret qilishqa chaqirdi. u ezanning isirailiyening asasliq simwolliridin biri ikenlikini we chekligili bolmaydighanliqini eskertip, qolidiki qanun teklipini yirtip étiwetkendin kéyin, munberdin chüshti.

isirailiyede ezanning kech saet 23:00 din etigen saet 07:00 arisida yangratquda oqulushini chekleshni mezmun qilghan qanun teklipi, parlamént omumiy kéngishidiki birinchi qétimliq bélet tashlashta, 55 awaz bilen qobul qilinghan, 48 awaz bilen ret qilinghan idi. teklipining resmiy qanun bolushi we ijra qilinishi üchün kéngeshning ikki qétimliq yighilishida maqullinishi kérek.