مۇسۇلدا ئىراق ئارمىيەسى بىلەن دائېش ئوتتۇرىسىدا توقۇنۇش يۈز بېرىپ نۇرغۇن بىگۇناھ كىشى ئۆلدى

تۈركىيە ئاۋازى رادىيوسى خەۋىرى: ئىراقنىڭ مۇسۇل شەھىرىدە، ھۆكۈمەتكە قاراشلىق ھەربىي قىسىملار بىلەن تېررورلۇق تەشكىلاتى دائېش ئەزالىرى ئوتتۇرىسىدا توقۇنۇش يۈز بېرىپ، بىگۇناھ 16 كىشى ئۆلدى، ئونلارچە كىشى يارىلاندى.

ئىنسان ھەقلىرى پائالىيەتچىسى لوقمان ئۆمەر ئەت-تاي،  مۇسۇلنىڭ غەربىگە جايلاشقان نەبى شىت مەھەللىسىدە كېلىپ چىققان توقۇنۇشلار ۋە ھاۋا ھۇجۇملىرىدا ئۆلگەنلەرنىڭ كۆپ قىسمىنىڭ بالا ۋە ئايال ئىكەنلىكىنى بىلدۈردى.

ئىراق ساقچى ئىدارىسى مەسئۇللىرى نەبى شىت ۋە ئەد-دەندەن مەھەللىلىرىدە ئىراق ساقچى قىسىملىرىنىڭ توختاۋسىز ئالغا ئىلگىرىلىۋاتقانلىقلىرىنى بىلدۈرۈپ، ھۆكۈمەت بىنالىرىغا يېقىن جايدىكى ئەد-دەۋاسە كوچىسىدا دائېش ئەزالىرى بىلەن ئىراق ساقچى قىسىملىرى ئوتتۇرىسىدا كەسكىن توقۇنۇش يۈز بەرگەنلىكىنى ئۇقتۇردى.