sizde ümid béreleydighan alahidilik bolsa, 1 milyon derhem mukapat alalaysiz

türkiye awazi radiyosi xewiri: dubey emirliki «ümid ishlepchiqirish» yolida qedem tashlashni dawamlashturmaqta.

dubey emiri sheyx muhemmed bin rashid elmaqtumning tiwittér hésabidin élan qilghan xizmet élani zor qiziqish qozghidi.  

u élanda arqigha sanaydighan bir saet we xizmetke iltimas sunghuchilardin telep qilinidighan alahidilikler urun aldi. bérilidighan mukapatning 1 milyon derhem (yeni 984 ming 308 türk lirasi) ikenliki bildürüldi.

élanda, «bu heqiqetmu yaki xiyalmu?» dégen soal qoyuldi.

xizmet élani bergen kishining ümid üchün xizmet qiliwatqan birsi ikenlikini uylighanda, buning heqqet ikenlikini bilish anche qéyin emes. chünki xizmet élani chiqarghuchi dubeyning emiri elmaqtum bolup, élanda barliq ereb döletliride yaxshi tirishchanliqlarni körsitiwatqan «ümid bergüchiler yaki ümid tikliguchiler»ning lazimliqi yézilghan idi.

élanda telep qilinghan alahidilik bolsa, yardemlishish we insanlargha xizmet qilishta talantliq bolushtin ibarettur.

buningdin ilgiri az dégende bir ijtimaiy layihesi bolghan bolush, xelq arisida yaxshi insan bolup tonulghan bolush, ijabiy bolush we ereb döletliri puqralirining énérgiyesige ishinish, yéshi 5 yashtin 95 yash arisida bolush we tégi ereb bolush sherti qoyulghan idi.