xitay – engliye otturisida sürkilish yüz berdi

türkiye awazi radiyosi xewiri: xitay engliye teripidin élan qilinghan «6 ayliq xongkong doklati» gha naraziliq bildürüp, london hökümitini bu mesilige arilishishni toxtitishqa chaqirdi.

xitay tashqi ishlar ministirliqi bayanatchisi géng shuang bu heqte élan qilghan yazma bayanatida, engliye hökümitining xongkong mesilisi toghruluq élan qilghan doklatqa qarshi ikenliklirini bildürdi.

xongkong xitayning «alahide rayoni» bolghanliqi üchün béyjingning xongkongda «bir dölet, ikki xil tüzüm» ni yolgha qoyuwatqanliqini eskertken géng, xongkong mesilisining xitayning ichki ishi ikenlikini, shunga bu mesilige chet el döletlirining arilishish hoquqi yoqluqini ilgiri sürdi.

béyjing hökümitige qaritilghan tenqidlerge naraziliq bildürgen géng,  london hökümitidin bundaq doklatlarni élan qilmasliqini we xongkong mesilisige arilashmasliqini telep qildi.

engliye parlaméntigha sunulghan «6 ayliq xongkong doklati» da, béyjing hökümiti kishilik hoquq  we démokratiye mesililiride tenqid qilinghanidi.

engliye xongkong xitaygha qayuturup bérilgendin buyanqi 20 yil ichide béyjing hökümitining xongkong siyasiti tenqid qilinghan 40 doklat élan qildi.