«түркийә – русийә һәмкарлиқи районниң муқимлиқи үчүн наһайти муһим»

русийә дөләт мудапиә министири сергей шойгу нато ға рәһбәрлик қилиш иқтидариға игә түркийәниң русийә билән һәмкарлиқ орнитишиниң районниң муқимлиқи үчүн наһайти муһимлиқини ейтти.

677402
«түркийә – русийә һәмкарлиқи районниң муқимлиқи үчүн наһайти муһим»

түркийә авази радийоси хәвири: шойгу русийә ташқи ишлар министирлиқиға қарашлиқ москва хәлқара мунасивәтләр университетида чақирилған илмий муһакимә йиғинида қилған сөзидә, түркийә – русийә мунасивәтлири вә нато мәсилилири һәққидә тохталди.

русийән билән  түркийә оттурисида техникилиқ һәмкарлиқ саһәсидә зич һәмкарлиқ орнитиливатқанлиқини, буниң һәр икки тәрәпниң қизғин қоллишиға еришиватқанлиқини әскәрткән шойгу, терроризмға қарши күрәш бирләшмиси қурулуши мәсилисидә түркийәниң нато ға рәһбәрлик қилиш иқтидариға игә икәнликини қәйт қилди.

нато билән йәр шари характерлик бихәтәрлик мәсилилиридә дийалог орнитишқа тәййар икәнликлирини ейтқан шойгу, шундақ болушиға қаримай нато ниң русийә чегралиридики һәрбий мәвҗудийитини күчәйтишни давамлаштуруватқанлиқини тәкитлиди.

у йәнә, дөлитиниң дунйа қорал - йарағ експортида дунйа бойичә иккинчи орунда туридиғанлиқини, 60 тин артуқ дөләткә тәхминән 15 милйард долларлиқ қорал - йарағ сатқанлиқлириниму сөзлиригә илавә қилди.



مۇناسىۋەتلىك خەۋەرلەر