баш министир йилдирим германийәдә

баш министир йилдирим 53 – нөвәтлик хәлқара мийунхен бихәтәрлик йиғиниға қатнишиш үчүн германийәниң мийунхен шәһиригә йүрүп кәтти.

675191
баш министир йилдирим германийәдә

түркийә авази радийоси хәвири: йилдиримниң германийә баш министири ангела меркел, америка муавин пирезиденти майк пенс вә башқа алий дәриҗилик рәһбәрләр билән айрим – айрим көрүшүшләрдә болуши күтүлмәктә.

хәлқара бихәтәрлик вә дөләт мудапиәси сийасәтлири һәққидә көп тәрәплик музакирә елип берилидиған учришишларда, башқа күндилик, районлуқ вә хәлқаралиқ өзгиришләр тоғрилиқму өзара пикир алмаштурулиду.

йилдиримниң әтә йәнә дүсселдорфқа берип, шу йәрдә йашаватқан түркләр билән бир йәргә җәм болуши мөлчәрләнмәктә.

йәнә бир тәрәптин, баш министирлиқ мәһкимиси ахбарат васитилири мәркизиниң билдүрүшичә, баш министир йилдирим германийә зийарити даирисидә йавропа иттипақи комитетиниң көчмәнлик, ички ишлар вә гражданлиқ ишлириға мәсул әзаси димитрис аврамполисни қобул қилған.

учришишта, болупму йавропа иттипақи – түркийә оттурисидики 18 – март келишим лайиһәсиниң әһмийити тәкитләнгән.

келишим лайиһәси даирисидә түркийә ишқа ашуруватқан әһдиләр тоғрулуқ тохталған баш министир йилдирим, йавропа иттипақиниң бу мәсилидә зиммисигә йүкләнгән вәзиписини һазирму йетәрлик дәриҗидә ада қилалмайвдатқанлиқини хатириләткән, бу һәқтә йавропа комитетиниң йардимини күтүватқанлиқлирини қәйт қилған, терроризмға қарши күрәш вә бихәтәрлик һәмкарлиқи қатарлиқ мәсилиләрдә йавропа иттипақидин техиму көп йардәм бериши вә аңлиқ позитсийә тутушини күтүватқанлиқлирини тәкитлигән.

учришишта йәнә,  йавропа иттипақиниң түркийәгә мунасивәтлик тәрәққийат доклати тоғрилиқму музакирә елип берилған.

аврамполис түркийә – йавропа иттипақи мунасивәтлирини тәкрар җанлдурушқа еһтийаҗ барлиқини әскәртиш билән бир вақитта, йавропа иттипақи билән түркийә оттурисида давамлиқ сөһбәт елип берилишиниң һәр икки тәрәпкә пайдилиқ болидиғанлиқини тәкитлигән.



مۇناسىۋەتلىك خەۋەرلەر