türkiye daéshning nurghun ademning jénigha zamin bolghan pakistandiki qanliq hujumini qattiq eyiblidi

pakistanning jenubigha jaylashqan sind ölkisidiki bir qebre béshida meydangha kelgen adem bomba hujumida kem dégende 70 adem öldi, 150 adem yarilandi.

674283
türkiye daéshning nurghun ademning jénigha zamin bolghan pakistandiki qanliq hujumini qattiq eyiblidi
dışişleri, kanada cami saldırı kınama.jpg

türkiye awazi radiyosi xewiri: sind ölkilik saqchi tarmaqliri, sehwan sherif shehiridiki sofi ölima lal shahbaz qelenderning qebrisi béshida meydangha kelgen partlash esnasida hayatidin ayrilghanlarning ichide ayallar we balilarningmu barliqini, yarilanghanlarning köpinchisining yarilinish ehwalining éghir ikenlikini uqturdi.

hujumning jawabkarliqini daésh térrorluq teshkilati üstige aldi.

pakistan bash ministiri nawaz sherif we ichki ishlar ministiri chodri nisar elixan bayanat bérip, hujumni qattiq eyiblidi.

türkiyemu sind ölkisidiki qebre béshida meydangha kelgen térrorluq hujumini qattiq eyiblidi؛ türkiye jumhuriyiti tashqi ishlar ministirliqi teripidin élan qilinghan yazma bayanatta, térrorluq hujumida köp sanda kishining hayatidin ayrilghanliqi we yarilanghanliqidin qayturush ichide xewer tépilghanliqi eskertilgen halda, «pakistanning xatirjemliki we muqimliqini hujum nishani qilghan bu xainlarche térrorluq qilmishini qattiq eyibleymiz, hayatidin ayrilghanlargha rehmet, yarilanghanlargha téz shipaliq tileymiz؛ pakistan hökümiti we qérindash pakistan xelqige teziye bildürimiz» déyildi.

bayanatta yene, türkiyening dost we qérindash pakistangha térrorizmgha qarshi qetiy kürishide qiliwatqan yardimining dawamlishidighanliqimu qeyt qilindi.



مۇناسىۋەتلىك خەۋەرلەر