һиндистан бирла вақитта көп сүний һәмраһ қойуп бериш бойичә дунйа рекортини бузди
һиндистан бирла қетимда аләм бошлуқиға 104 сүний һәмраһ қойуп берип, бу саһәдики дунйа рекортини бузуп ташлиди.
түркийә авази радийоси хәвири: һиндистан аләм бошлуқи тәтқиқат идариси, срихарикота аләм бошлуқи мәркизидин қойуп берилгән ракетадики еғирлиқи 10 килограмдин аз нано сүний һәмраһларниң пиланланған нуқтиға киргәнликини уқтурди.
ракетадики сүний һәмраһларниң 96 си америка қошма иштатлири, әрәб бирләшмә хәлипилики, исраилийә, голландийә, шиветсийә вә қазақистанға аит икәнлики билдүрүлди.
һиндистан шундақ қилип, 2014 – йили аләм бошлуқиға бирла қетимда 37 сүний һәмраһ йоллиған русийәниң рекортини тартивалған болди.
һиндистан баш министири наренда моди, иҗтимаий таратқу арқилиқ тәтқиқатчиларни тәбрикләп, «һиндистан аләм бошлуқи тәтқиқат идарисиниң бу алаһидә ғәлибиси, асман җисимлири тәтқиқатчилиримиз вә дөлитимизни башқичә иптихарландурди. һиндистан, илим әһлилиримизгә һөрмәт билән салам бериду» дегән учурни тарқатти.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
