путин: трамп билән силовенийәдә көрүшүшүм мумкин
русийә пирезиденти путин америка пирезиденти трамп билән силовенийәниң пайтәхти лийублйанада көрүшүш еһтималиниң барлиқини ейтти.
түркийә авази радийоси хәвири: путин москвада силовенийә пирезиденти борут паһор билән көрүшкәндин кейин өткүзүлгән қошма ахбарат елан қилиш йиғинида қилған сөзидә, русийә – америка мунасивәтлириниң йеқинқи 5 йилда бузулғанлиқини, шуңа дипломатик мунасивәтләрни һәр икки дөләт хәлқлиригә пайдилиқ шәкилдә әслигә кәлтүрүш лазимлиқини ейтти.
америка пирезиденти трамп вәзипә өтигән мәзгилдә икки дөләт мунасивәтлириниң әслигә келишини үмид қилидиғанлиқлирини әскәрткән путин, бирақ буниң москваға әмәс, вашингтонға бағлиқ икәнликини тәкитлиди.
путин трамп билән силовенийәдә көрүшүшни халап халимайдиғанлиқиға алақидар бир соалға җаваб бәргәндә, «мән трамп билән силовенийәниң пайтәхти лийублйанада көрүшүшкә қарши әмәсмән. дәрвәқә, илгири у йәрдә көплигән рәһбәрләр билән көрүштүм. бирақ бу бизгә әмәс, нурғун шәртләргә бағлиқ» деди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
