latwiye amérikidin kéyin chégrasini tam bilen qoghdimaqchi bolghan ikkinchi dölet
latwiye hökümiti köchmenlerning rusiye arqiliq kirishining aldini élish meqsitide 276 kilométirliq chégragha tam sélishqa teyyarlandi.
türkiye awazi radiyosi xewiri: latwiye metbuatliridiki xewerlerde körsitilishiche, latwiyede rusiye chégrasini pütünley tam bilen étiwétish pilanining birinchi bölümi bolghan 23 kilométirliq tam qurulushi axirlashqan. mushu yil ichide chégraning 60 kilométirliq qismi tikenlik sim bilen tosush qurulushi bashlinidighan bolup, hökümet buninggha 6.3 milyon yawro ajratqan.
latwiye tamozhna idarisining axbarat ishliri sékrétari yéwgéniya pozinyak rusiye chégrasidiki tebiiy tosuqlar bolmighan 193 kilométirliq linye boyiche égizliki üch métir kélidighan tam sélish we buni 2019-yili tamamlashning pilan qilinghanliqini bildürgen.
éstoniyemu 100 kilométirliq rusiye chégrasigha égizliki 2.5 métir kélidighan tam salidighanliqini we bu qurulushni 2018-yili bashlaydighanliqini élan qilghan idi.
amérikining yéngi pirézidénti donald trampning méksika chégrasigha tam sélish pilani, bu xildiki layihelerning köch mesilisini hel qilip-qilalmaydighanliqi toghrisida munazire qozghighan idi.
