kanadada bir jame qoralliq hujumgha uchridi
qoralliq kishilerning kanadaning kuébék shehiridiki bir jamege hujum qilghanliqi bildürüldi.
türkiye awazi radiyosi xewiri: kanadaning kuébék shehiridiki bir jame qoralliq hujumgha uchrap, 6 adem hayatidin ayrildi, 8 adem yarilandi.
sént foy rayondiki kuébék islam medeniyet merkizi jamesige qilinghan hujum, jamaet sham namizi öteshke teyyarliniwatqan esnada meydangha keldi.
üch kishi teripidin sadir qilinghan bolush éhtimali barliqi qeyt qilinghan hujum esnasida jamede 40 adem bar idi.
hujum bilen chétishliqi bar, dep qaralghan ikki kishi nazaret astigha élindi .
kanada taratquliri, nazaret astigha élinghanlardin birining (27 yash) hujumda ishletken aptomat bilen birlikte qolgha chüshürülgenlikini xewer qildi.
kanada bash ministiri jastin trudéu hujum toghrisida ijtimaiy taratqu arqiliq tarqatqan uchurida, «bu kéche kanadaliqlar, kuébéktiki bir jamege qilinghan peskeshlerche hujumda hayatidin ayrilghanlarning matimini tutmatqa. oy – pikrimiz qurbanlar we ularning aile – tawabiatliri bilen birgidur» dégen ibarilerge orun berdi.
kuébéktiki hujumgha uchrighan mezkur jame iyun (2016) éyidimu musulmanlargha qarshi bir qétimliq öchmenlik jinayitige sehne bolghanidi.
kanada, amérika qoshma ishtatliri ishikini taqiwetken ottura sherq we afriqidiki 7 döletlerning köchmenlirini qobul qilishni qarar qilghanidi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
