ئىتالىيەدە بىر مېھمانخانا قارنىڭ ئاستىدا قېلىپ نۇرغۇن كىشى ئۆلدى

تۈركىيە ئاۋازى رادىيوسى خەۋىرى: ئىتالىيە دەسلەپتە يەر تەۋرەش، ئارقىدىنلا ئابرۇززو رايونىدا يۈز بەرگەن قار كۆچۈش ئاپىتى بىلەن لەزرىگە كەلدى.

ئابرۇززە رايونىدا قارنىڭ ئاستىدا قاپسىلىپ قالغان تەخمىنەن 30 كىشىدىن 6 كىشىنىڭ ساق ئىكەنلىكى  بىلدۈرۈلدى.

قۇتقۇزۇش ئەترىتى خارابىگە ئايلانغان مېھمانخانا بىناسىنىڭ ئاستىدىن 2 كىشىنىڭ جەسىتىنى تېپىپ چىقتى.

قارنىڭ ئاستىدا قالغان مېھمانخانىنىڭ بەزى بۆلۈملىرى خىش، كىسەك دۆۋىسىگە ئايلىنىپ قالدى.

ئىزدەپ قۇتقۇزۇش ئەترىتى قاتتىق قار يېغىش ۋە ناچار ھاۋا مۇھىتىغا قارىماستىن خىزمەتلىرىنى داۋاملاشتۇرماقتا.