tramp bügün qesem bérip wezipe tapshuruwalidu
donald tramp bügün pirézidéntliq wezipisini barak obamadin tapshuruwalghandin kéyin resmiy wezipe öteshke bashlaydu.
türkiye awazi radiyosi xewiri: dunyaning herqaysi jayliridin kelgen rehberler qesem bérip wezipe tapshuruwélish murasimigha qatnishish üchün washingtonda ziyarette bolmaqta.
murasimgha türkiyege wekaliten tashqi ishlar ministiri mewlüt chawushoghlu ishtirak qilidu.
donald tramp jumhuriyetchiler partiyesining rehberliri teripidin tünügün sheripige bérilgen chüshlük tamaq ziyapitide qilghan sözide, yéngi mezgilde tesiri küchlük ichki kabént sayisida döletning barliq saqliniwatqan mesililirini hel qilidighanliqlirini bildürdi.
ziyapette yuqiri derijilik amérika emeldarliri bilen bir yerge jem bolghan türkiye tashqi ishlar ministiri mewlüt chawushoghlumu amérika dölet xewpsizlik ishliri meslihetchilikige teyinlegen général maykél flin bilen körüshti.
pütkül dunya jamaetchilikining diqqiti trampning wezipe tapshuruwalghandin kéyin türkiye – amérika munasiwetliri we ottura sherq mesilisi toghruluq qandaq qedemlerni tashlaydighanliqigha merkezleshmekte.
türkiyening we türkiye xelqining amérikidin némilerni kütidighanliqini ochuq - ashkara halda otturigha qoyuwatqan mewlüt chawushoghlu, yéngi mezgilde esla waz kechkili bolmaydighan ittipaqdashliq munasiwetliri jehettin özara yol xeritisini qaytidin shekillendürüshning zörürlükini tekitlimekte.