putin: obama trampning qanuniy salahiyitige ziyan yetküzdi
rusiye pirézidénti wiladimir putin amérika pirézidénti obamani jüme küni pirézidéntliq wezipisini ötküzüwalidighan donald trampning qanuniy salahiyitige ziyan yetküzüsh bilen eyiblidi.
türkiye awazi radiyosi xewiri: putin moldawiye pirézidénti igor dodon bilen paytext moskwada élip barghan uchrishishidin kéyin élan qilghan bayanatida, pirézidéntliq wezipisini trampqa ötküzüp bérishke teyyarliniwatqan obamani tenqid qilip mundaq dédi: «bezi insanlar widalashmastinla wezipisidin ayrilidu, beziler bolsa widalashqan bolushigha qarimay wezipisidin ayrilmaydu. obama hakimiyiti ikkinchi katégoriyege kiridu.»
pirézidént saylimida tramp ghelibe qilghan bolushigha qarimay siyasiy küreshning dawamlishiwatqanliqini eskertken putin, bu küreshning perde arqisigha yoshurunghan meqsetlerdin birining saylam arqiliq wezipige olturush aldida turuwatqan bir pirézidéntning qanuniy salahiyitige ziyan yetküzüsh؛ yene birining trampni memliket ichi – sirtigha bergen wedilirini ishqa ashuralmaydighan ehwalgha chüshürüp qoyush ikenlikini tekitlidi.
trampning amérika – rusiye munasiwetlirini eslige keltürüshni xalaydighanliqini jakarlishidighan kéyin rus xaykérlirining amérikidiki pirézidént saylimigha mudaxile qilghanliqi we rus axbaratining tramp toghruluq mexsus arxip turghuzghanliqi toghruluq xewerler tarqalghanliqini eskertken putin, bundaq oydurma xewerlerni tarqatqanlarning héchqandaq exlaqiy ölchimi yoqluqini qeyt qildi hemde bularning hemmisining yalghan xewerler ikenlikini tekitlep mundaq dédi: «trampni tonumaymen. özi bilen körüshüp baqmidim. xelqara sehnilerde némelerni qilidighanliqinimu bilmeymen. shunga uninggha yan bésish yaki uni tenqid qilishqa héchqandaq asasim yoq.»
