گېرمانىيەدە بىر توپ كىشىلەردىن تاياق يىگەن سۈرىيەلىك بالا ھاياتىدىن ئايرىلدى

تۈركىيە ئاۋازى رادىيوسى خەۋىرى: برېمېن تەپتىش ئىدارىسىنىڭ خادىمى فرانك پاسسادې يېڭى يىل كېچىسى بىر توپ كىشىلەردىن تاياق يىگەن سۈرىيەلىك بالىنىڭ داۋالىنىۋاتقان دوختۇرخانىدا قۇتقۇزۇش ئۈنۈم بەرمەي ھاياتىدىن ئايرىلغانلىقىنى بىلدۈردى. ئۇ ۋەقەگە مۇناسىۋەتلىك تەكشۈرۈشلەرنىڭ داۋاملىشىۋاتقانلىقىنى، بىراق جىنايەتچىلەر توغرىسىدا مەلۇمات بېرەلمەيدىغانلىقىنى ئەسكەرتتى.

گېرمانىيە تېلېۋىزىيەسى ساقچىلارنىڭ سۈرىيەلىك بالىنى ئۇرغانلار ئىچىدە نېمىسلارنىڭ يوقلۇقىنى ئىلگىرى سۈرۈپ، ۋەقەنى چەت ئەللىكلەرگە ئۆچمەنلىك قىلىش سەۋەبىدىن ياكى رادىكال ئوڭچىلار تەرىپىدىن پەيدا قىلىنمىغان دەپ ھۆكۈم چىقارغانلىقىنى بىلدۈردى.