siri lankida xitay layiheliri sewebidin toqunush kélip chiqti

siri lankida sahil nahiyesi xambantotada xitay layiheliri qarshi chiqqan yerlikler bilen hökümet terepdarliri otturisida toqunush kélip chiqti.

646567
siri lankida xitay layiheliri sewebidin toqunush kélip chiqti

siri lankida hökümetning jenubtiki sahil nahiyesi xambantotada xitay sélinmisi bilen qurulmaqchi bolghan sanaet rayoni we port layihesige naraziliq bildürgen budist rahiblar we yerlikler bilen hökümet terepdarliri otturisida toqunush yüz bérip 21 adem yarilandi.

rayondiki yerlerning dölet igidarchiliqigha ötküzüwélinidighanliqi sewebidin bu layihege qarshi chiqqan yerlikler, budist rahiblarning bashchiliqida échilish murasimi ötküzülidighan rixtim rayonigha qarap méngiwatqanda, hökümet terepdarliri ulargha tash bilen hujum qildi.

yerliklerningmu ulargha tash étip jawab qayturushi netijiside sürkilish kélip chiqti, saqchilar ikki terepni ayrish üchün bésimliq su we yash aqquzush bombisi ishletti.

toqunush esnasida 3 saqchi bolup jemiy 21 adem yarilandi.

buningdin bashqa, xitayning siri lankida turushluq elchisi yi shiyenliyang toqunushlar yüz bergen turup, échilish murasimida qilghan sözide xitayning siri lankigha 5 yil ichide 5 milyard dollar meblegh salidighanliqlirini uqturdi.

yi shiyenliyang sözide sanaet rayoni qurulghan ehwalda 100ming kishige ish pursiti yaritilidighanliqini éytti.

port qurulushi üchün rayongha 1 milyard 200 milyon dollar meblegh salghan xitay, sanaet rayoni qurulushi üchünmu 15ming géktar yer ijrige élishni pilanlimaqta.

siri lanka hökümiti xambantota portini xitayning %80 péyigha ige bir shirketke 99 yil ijarige bérish meqsitide pirinsip jehettin kélishim hasil qilghanidi. hökümet dairiliri xitay shirketlirining rayonda meblegh sélish üchün port etrapida sanaet rayoni qurush pilaniningmu barliqini uqturghanidi.


خەتكۈچ: #siri lanka , #xitay , #dollar

مۇناسىۋەتلىك خەۋەرلەر