daéshning atalmish emiri öltürüldi
süriyening shimalini térrorluq unsurliridin tazilash meqsitide 24 – awghust küni türkiye bashchiliqida bashlanghan «firat qalqini» namliq herbiy heriket dairiside daéshning atalmish emiri bilen qoshulup 26 térrorist ujuqturuldi.
türkiye awazi radiyosi xewiri: herbiy heriketlerde térroristlarning onlarche uwisi, mudapie istéhkami, qomandanliq muessesesi, qoral – yaraghliri we üsküniliri hemde daéshqa ait 74 nishan yer bilen yeksan qiliwétildi, daéshning atalmish emirini öz ichige alghan 20 térrorist ujuqturuldi.
türkiye urush ayropilanliri bab, bzagah, tadif, qebr elmuqri, suflaniye we zammardiki daéshqa ait 28 nishangha qaratqan hawa hujumlirida 18 daéshchi térroristni ujuqturdi. yene tünügünki toqunushlar jeryanidmu 38 daéshchi térrorist ujuqturuldi. térrorluq teshkilati daéshtin tazilanghan rayonlarda bolsa öktichilerge dawamliq yardem bérilmekte. partlatquch buyumlarni éniqlap chiqip, weyran qilish etretliri 48 partlatquchni pachaqlap tashlidi.
herbiy heriket bashlanghandin tartip hazirghiche 2 ming 741 partlatquch we 43 mina pachaqlap tashlandi.
yene bir tereptin, türkiye armiyesi del waqtida yetküzülgen axbaratqa asasen iraqning shimalidiki awashin, basyan we zap rayonlirigha hawa hujumi élip bérip, térrorluq teshkilati p k k gha ait 6 nishanni yer bilen yeksan qiliwetti.
