پاكىستاندا 21 خىرىستىيان ھاراقتىن زەھەرلىنىپ ئۆلدى
پاكىستاننىڭ پەنجاب ئۆلكىسىدە 21 خىرىستىياننىڭ ھاراقتىن زەھەرلىنىپ ئۆلگەنلىكى بىلدۈرۈلدى.
638376
تۈركىيە ئاۋازى رادىيوسى خەۋىرى: پاكىستاندا روژدىستۋو ھارپىسىدا 21 كىشى ھاراقتىن زەھەرلىنىپ ئۆلدى.
زەھەرلىك ھاراقنى ئىچكەن 50 كىشىمۇ دوختۇرخانىغا ياتقۇزۇلدى.
ۋەقە پايتەخت ئىسلامئابادنىڭ جەنۇبىغا جايلاشقان خىرىستىيانلار زىچ ئولتۇراقلاشقان توبا تەك سىڭ شەھىرىدە مەيدانغا كەلدى. پاكىستاندا ھاراق سېتىش چەكلەنگەنلىكى ئۈچۈن پاكىستان تەۋەلىكىدە ھاراق تېپىش تەسكە توختايدۇ. نازارەت خىزمەتلىرى بولمىغانلىقتىن ناچار شارائىتلاردا ئىشلەپچىقىرىلغان ھاراقلاغا مېتانول، ئانتى فىرىز ھەتتا يېقىلغۇ ماددىلىرىمۇ ئىشلىتىلىدۇ.
پەنجاب ئۆلكىسىدە بۇ يىل ئۆكتەبىردىمۇ ھاراقتىن زەھەرلىنىش ۋەقەسى يۈز بەرگەن بولۇپ، 11 ئادەم ھاراقتىن زەھەرلىنىپ ئۆلگەنىدى.
رۇسىيەدىمۇ ئۆتكەن ھەپتە بۇنىڭغا ئوخشاش ۋەقە سادىر بولغان بولۇپ، 72 كىشى ئۆلگەنىدى.
