بىريۇسسېلدا ھەلەب ئاھالىسىنى قوللاش مەقسىتىدە نامايىش ئۆتكۈزۈلدى

تۈركىيە ئاۋازى رادىيوسى خەۋىرى: بەزى ئاممىۋى تەشكىلاتلارنىڭ ئۇيۇشتۇرۇشى بىلەن ياۋروپا ئىتتىپاقى بىنالىرىمۇ جايلاشقان سچۇمان مەيدانىدا ئۆتكۈزۈلگەن نامايىشتا،  نامايىشچىلار «ھەلەبنى قۇتقۇزۇڭلار»، «ئائىلە تاۋابىئاتلىرىمىز ھەلەبتە»، «ھەلەب ئۇرۇش ئوتى ئىچىدە تۇرۇۋاتىدۇ»، «ھەلەبتە قەتلىئام يۈرگۈزۈلۈۋاتىدۇ» دېگەن خەتلەر لوزۇنكىلار ۋە تۈركىيە بايرىقىنى كۆتۈرۈپ ماڭدى.

نامايىشتا ئېلان قىلىنغان باياناتتا، «ھەلەبتە پۇقرالار نىشان قىلىنىۋاتقان ھۇجۇملارغا قارىتا غەزەپ – نەپرىتىمىزنى ئىپادىلەش ۋە سۈرىيەدە پۇقرالارنىڭ بىخەتەرلىكىنىڭ كاپالەت ئاستىغا ئېلىنىشىنى قولغا كەلتۈرۈش ئۈچۈن سەپەرۋەر بولۇشىمىز لازىم» دېيىلدى.